Տարբեր երկրների դիվանագետներ պարտք են Նյու Յորք քաղաքի իշխանություններին զգալի գումար, որը կուտակվել է ճանապարհային օրենքների խախտման և անօրինական կայանման համար: Ըստ ամերիկյան լրատվամիջոցների՝ այդ գումարը կազմում է մոտ 17 միլիոն դոլար: Այս ցուցակում առաջինը եգիպտացիներն են, որոնք պարտք են 1.9 միլիոն դոլար։ Նրանց հետևում են նիգերիացիներն ու ինդոնեզիացիները (1 միլիոն և 725 հազար դոլար համապատասխանաբար):
Կոնգրեսականներ Մայքլ Գրիմը, Փիթեր Քինգը և Ադոլֆուս Թաուսը պարաստվում են ներկայացնել մի օրինագիծ, որով այն դիվանագետները, որոնք չեն մարի իրենց պարտքերը, կպատժվեն պետքարտուղարության կողմից և կզրկվեն իրենց դիվանագիտական հավատարմագրումը երկարացնելու իրավունքից: Գրիմն ասել է, որ ճանապարհային խախտումների համար տուգանքների պարագայում «դիվանագիտական անձեռնմխելիություն» գոյություն չունի, և Նյու Յորքի՝ առանց այն էլ լարված բյուջետային պայմաններում դիվանագետները տեղի հարկատուների հաշվին չպետք է ազատ շրջեն քաղաքի փողոցներով:
Չի նշվում, թե որքան տուգանք են վճարել կամ վճարելու հայ դիվանագետները:
