Մանկական տակդիրներից Մեծ Բրիտանիայում շինանյութ կպատրաստեն: Այդ հնարավարություններն առաջացել են այն բանից հետո, երբ մանկական միանգամյա օգտագործման տակդիրների տարեկան օգտագործումը հասել է մեկ միլիարդի: Ինչպես գրում է The Daily Mail-ը, վերջերս կանադական մի ընկերություն բացել է «պամպերսի գործարան», որտեղ վերամշակված տակդիրներից արտադրվում է ամուր պլաստմասե կղմինդր:
Մասնագետները կոչ են անում բրիտանացիներին հրաժարվել պամպերսներից և անցնել ավանդական «պապենական մեթոդներին», սակայն բրիտանացիները չեն շտապում հետևել այդ հորդորներին: Բնապահպաններն ահազանգում են, որ տարեկան աղբն է նետվում մինչև 500 հազար տոննա պամպերս, որը բնության մեջ չի քայքայվում 500 տարի շարունակ:
Հիմա կանադական ընկերությունը նախատեսում է բացել նմանատիպ ևս 4 գործարան և ակտիվ աշխատում է հիվանդանոցների, ծերանոցների և զանազան մանկական հիմնարկությունների հետ, որոնք «շինանյութ» պետք է մատակարարեն այդ գործարաններին: Նոր գործարանը թույլ է տալիս վերամշակել մինչև 360 հազար տոննա պամպերս` կրճատելով ածխաթթու գազերի արտանետումը 22 հազար տոննայով, ինչը համարժեք է Մեծ Բրիտանիայի ավտոմոբիլային պարկից մոտ 7.5 հազար մեքենաների «անհետացմանը»:
