Գեղարքունիքի մարզի Գավառ քաղաքի Արծվաքար թաղամասում ՀՀ կառավարության կողմից 2024 թվականին իրականացվող սուբվենցիոն ծրագրերի շրջանակներում արդեն մեկնարկել են ոռոգման ջրագծի կառուցման աշխատանքները։Ինչպես տեղեկացավ Գավառի համայնքապետարանի աշխատակազմից, Գավառ քաղաքի Արծվաքար թաղամասի ոռոգման ջրատարի կառուցման ծրագրի պայմանագրային արժեքը կազմում է 60 միլիոն 960 հազար դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Գավառի համայնքապետարանը։Ծրագրով նախատեսվում է ոռոգման ջրատարի անցկացում Արծվաքարի թաղամասերում՝ 2 859 մետր ընդհանուր երկարությամբ։Ծրագրի իրականացման արդյունքում Արծվաքարում ոռոգելի հողատեսքերը կավելանան 250 հեկտարով։ Ծրագրից կօգտվի շուրջ 1300 տնտեսություն։Այժմ ընթանում են խրամուղիների փորման աշխատանքներ, զուգահեռաբար տեղադրվում են նաև պոլիէթիլենային խողովակներ։
