Հովհաննես Գրիգորյանի բուժման համար կազմակերպված դրամահավաքին երեկ իր մասնակցությունն է բերել Սերժ Սարգսյանը: Նրա նվիրաբերած 10 հազար դոլարը ամբողջացրել է անհրաժեշտ 50 հազար դոլարը։
Հովհաննես Գրիգորյանի բուժման համար կազմակերպված դրամահավաքին մասնակցել է նաև ԱԺ նախագահ Հովիկ Աբրահամյանը, վարչապետ Տիգրան Սարգսյանը, Ռուսաստանի հայերի միության նախագահ Արա Աբրահամյանը։ Երեկ 10 հազար դոլար է նվիրաբերել նախագահ Սերժ Սարգսյանը՝ այդպիսով ամբողջացնելով անհրաժեշտ 50 հազար դոլարը։
Երիտասարդ գրողների նախաձեռնությամբ կազմակերպված նախորդ միջոցառումներից զատ այսօր, ժամը 19։00-ին Համազգային թատրոնում և Արամ Խաչատրյան համերգասրահում զուգահեռաբար կանցկացվեն 2 բարեգործական միջոցառումներ. Համազգայինում կբեմադրվի «Սեր և սկլերոզ» ներկայացումը, Արամ Խաչատրյանում ելույթ կունենան հեղինակային կատարողներ, այդ թվում՝ Ռուբեն Հախվերդյանը, Դավիթ Ամալյանը, Էդվարդ Զորիկյանը, կհնչեն գրողի բանաստեղծություններից։
Բայցևայնպես, հիվանդության լիարժեք հաղթահարման համար անհրաժեշտ ծախսերը հոգալու համար Սփյուռքում դրամահավաքը շարունակվում է։
