Հարավաֆրիկյան Հանրապետության նախկին նախագահ Նելսոն Մանդելան զբաղեցրել է առաջին տեղը աշխարհի ամենաշատ հարգանք վայելող մարդկանց ցուցակում: Սա հայտնի է դարձել այն հետազոտության արդյունքում, որն անցկացրել է Reputation Institute ընկերությունը՝ աշխարհի 25 երկրների ավելի քան 50,000 հարցվածների շրջանում:
Այս ցուցակում Մանդելային հաջորդում են թենիսիստ Ռոջեր Ֆեդերերը, Microsoft ընկերության հիմնադիր Բիլ Գեյթսը, գործարար Ուորեն Բաֆեթը, Apple-ի հիմնադիր Սթիվեն Ջոբսը, հայտնի հեռուստահաղորդավար Օփրա Ուինֆրին և ուրիշներ: ԱՄՆ նախագահ Բարաք Օբաման 14-րդն է` զիջելով նույնիսկ դերասանուհի Անջելինա Ջոլիին: Հատկանշական է, որ Ռուսաստանի նախագահ Դմիտրի Մեդվեդևն այս ցուցակում ավելի բարձր հորիզոնականում է, քան վարչապետ Վլադիմիր Պուտինը: Նրանք զբաղեցնում են՝ համապատասխանաբար 43-րդ և 44-րդ տեղը: Հու Ձին Թաոն, Նիկոլա Սարկոզին, Մահմուդ Ահմադինեժադը, Ռոբերտ Մուհաբեն և Ուգո Չավեսը նույնպես գտնվում են ցուցակի ստորին մասում:
