Իտալական Martini բրենդը, որը թողարկում է ամբողջ աշխարհում հայտնի վերմուտ և փրփրող գինիներ, որոշել է ամբողջովին փոխել իր գովազդային հոլովակների կոնցեպտը. այժմ Ջորջ Կլունիի և Տագո Ալվեսի փոխարեն, Martini-ն առաջարկում է հեռուստատեսային գովազդում նկարահանվել ցանկացած գեղեցիկ տղամարդու` 25 տարեկանից բարձր ինժեների կամ մենեջերի, գրում է Газета.Ru-ն:
Նկարահանման պայմանագիր կնքելու համար թեկնածուն պետք է անցնի նախընտրական փուլ, որը սկսվելու է սեպտեմբերի 22-ին Միլանում, և պետք է ապացուցի բրենդի ղեկավարությանը, որ ինքը կարող է խաղալ իր դերը, որի էությունը 10 դերասանուհու «վարպետորեն համբուրելն» է` ստանալով դրա համար 150 հազար եվրո:
«Մենք 25 տարեկանից ոչ ցածր թեկնածու ենք փնտրում, որը կդառնա մեր հեռուստահոլովակի աստղը»,- ասվում է Martini-ի պաշտոնական հաղորդագրության մեջ:
Ինչպես գրում են իտալական ԶԼՄ-ները, սպասվում է, որ գովազդային հոլովակների նոր շարքը հեռուստատեսությունում կհայտնվի նոյեմբերին: