Համեմատելով անցած տարվա վերջին ամիսների արդյունքները Onex ընկերությունը 2023 թ-ին գրանցել է 120% ռեկորդային աճ։
Onex-ը համարվում է ոլորտում առաջատարը նաև այցելությունների թվով՝ համաձայն App Store և Google Play հարթակների վարկանիշի եւ աշխարհահռչակ վերլուծական www.similarweb.com կայքի տրամադրած ցուցանիշների:
«2023-ը մեզ համար մեծ աշխատանքների և ձեռքբերումների տարի էր»․ իր խոսքում նշեց ընկերության համահիմնադիր-տնօրեն Սամվել Մարտիրոսյանը:
«Այս բարձր ցուցանիշները մեզ ստիպում են անել հնարավոր ամեն ինչ, աշխատել արտակարգ ռեժիմով, ներդնել նորարար լուծումներ, բարձրացնել սպասարկման որակը՝ մեր օգտատերի շրջանում բարձր նշաձողը պահելու համար:
Հաշվի առնելով Արաբկիր համայնքում մեր օգտատերերի մեծ թիվը բացեցինք ևս մեկ նորարար, հարմարավետ և արագ սպասարկող ստացման վայր՝ Վաղարշյան 19 հասցեում։
Ստեղծել ենք նաև առաքանիների ավտոմատ տեսակավորման կենտրոն Դավթաշեն համայնքում, որը հաջորդ տարի կդառնա նաև «Onex մաքսային պահեստ», որտեղ և կիրականացվեն բոլոր մաքսային ձևակերպման գործընթացները, և մեր օգտատերը այլևս կարիք չի ունենա այցելել «Զվարթնոց օդանավակայանի Կարգո բեռնային համալիր»։ Վերջինիս մասին առավել մանրամասն կհայտարարենք առաջիկա ամիսներին։
Այս տարի առաջինը Հայաստանում գործարկել ենք Հունաստանի ուղղությունը, որը շատ արագ տարածվեց և սիրվեց օգտատերերի շրջանում։
Շնորհակալ ենք մեր օգտատերերին մեզ վստահելու համար, դա մեզ ոգևորում է Onex-ը էլ ավելի լավը դարձնելու գործում»:
Հիշեցնենք նաև, որ Onex-ը բացի ՀՀ-ից, արդեն մի քանի տարի է ներկայացված է ՌԴ-ում, իսկ այս տարվանից իր ծառայությունները գործարկեց նաև Ղրղզստանում և Վրաստանում:
