Չպետք է ոգևորվել, պետք է հստակ ազդակ լինի նաև ԱՄՆ-ից։ «Առաջին լրատվական»-ի հետ զրույցում նշեց Սոցիալ Դեմոկրատ Հնչակեան Կուսակցության Կենտրոնական Վարչության ատենապետ Համբիկ Սարաֆյանը։
Սարաֆյանի խոսքով՝ Հայաստանի համար ամենահուսալի դաշնակիցը տարածաշրջանում Իրանն է. «Հայաստանի կարևորությունը Արևմուտքի համար բացառապես Իրանի հետ փոխհարաբերության մեջ է։ Շահագրգռվածություն կա Հայաստանին տարածաշրջանում դարձնել խաղացող։ Եթե գնում ենք դեպի Արևմուտք, պետք է զգույշ շարժվենք։ Այնպես չլինի, որ առանց երաշխիքների գին վճարենք՝անտեր դառնանք»։
