Կոսովոյում հարձակումը Կոսովոյի հյուսիսը բռնակցելու ավելի լայն ծրագրի մի մասն էր, ասել է Կոսովոյի մասամբ ճանաչված կառավարության ղեկավար Ալբին Կուրտին։
«Հիմնվելով առգրավված փաստաթղթերի վրա՝ Կոսովոյի ոստիկանությունը հաստատել է, որ ահաբեկչությունը Կոսովոյի հյուսիսը 37 տարբեր դիրքերի վրա համակարգված հարձակումների միջոցով միացնելու ավելի լայն ծրագրի մաս է կազմել։ Դա կհետևեր Սերբիայի հետ միջանցքի ստեղծմանը` զենք և զորքեր մատակարարելու համար»,- ասել է Ալբին Կուրտին։
Անցած շաբաթվա վերջին Կոսովոյի ղեկավարությունը հայտարարեց սերբական զինվորականների և ժանդարմերիայի տեղափոխության մասին բաժանարար գծի երկայնքով տեղակայված մի քանի տասնյակ հենակետեր։ Միացյալ Նահանգները նաև հայտարարեց սերբական նշանակալի ուժերի տեղաշարժի մասին՝ մասամբ ճանաչված Կոսովոյի սահմանի մոտ։ Իրադարձությունների հետ կապված դաշնակիցները սկսեցին ուժեղացնել ՆԱՏՕ-ի KFOR-ի խաղաղապահ առաքելությունը։
Մինչդեռ Սերբիայի նախագահ Ալեքսանդր Վուչիչը հերքում է Կոսովոյի մերձակայքում զորքերի մոբիլիզացումը՝ այն անվանելով «ստի արշավ»։ Կոսովոյի ներկայացուցիչները նշում են, որ Սերբիայի պահվածքը Կոսովոյի նկատմամբ նման է Ռուսաստանի վարքագծին Ուկրաինայի նկատմամբ մինչ երկիր ներխուժելը։
