Իտալիայի պատգամավորների պալատի պատգամավոր, հայ-իտալական բարեկամության խմբի անդամ Ջուլիո Չենտեմերոն իր մտահոգությունն է հայտնել Լեռնային Ղարաբաղում ադրբեջանական ագրեսիայի կապակցությամբ։
Ինչպես տեղեկացնում է Իտալիայում Հայաստանի դեսպանության «Ֆեյսբուք»-ի էջը, Չենտեմերոն փաստել է, որ միջազգային հանրությունը պահանջում է հակամարտող կողմերի միջև ուղիղ երկխոսության մեխանիզմ, փոխարենը ադրբեջանական զինուժը ռազմական հարձակում է իրականացնում Լեռնային Ղարաբաղի վրա, որտեղ բնակչությունը հյուծված է իննամսյա բռնի շրջափակումից հետո։
«Սա անընդունելի է»,- իր վրդովմունքն է արտահայտել Ջուլիո Չենտեմերոն։
