Իրանի արտգործնախարար Հոսեյն Ամիր Աբդոլլահիանը «Al-Wafaq» թերթին տված հարցազրույցում նշել է, որ Թուրքիա-Սիրիա հարաբերությունների կարգավորման համար Իրանը ներկայացրել է ծրագիր։
Ինչպես փոխանցում է «Ashark Al-Awsat»-ը, ծրագիրը ենթադրել է Թուրքիայի զորքերի հետքաշում Սիրիայի ինքնիշխան տարածքից, փոխարենը Սիրիան իր հերթին ապահովելու է, որ թուրք-սիրիական հետ սահմանին չձևավորվի սպառնալիք Թուրքիայի համար։
Նշելով, որ Սիրիան տեղեկացրել է Թեհրանին, որ «լիովին պատրաստ է» ապահովել սահմանների անվտանգությունը, Իրանի արտգործնախարար Աբդոլլահիանը նշել է, որ Ռուսաստանին և Իրանին վստահեցրել են, որ իրենք կլինեն այս ուղղությամբ ցանկացած համաձայնագրի երաշխավոր։
Սիրիայի նախագահ Բաշար Ասադն օգոստոսին տված հարցազրույցում, անդրադառնալով նախագահ Էրդողանի հետ իր հնարավոր հանդիպմանը, ասել էր. «Մեր նպատակն է Թուրքիային Սիրիայի տարածքներից հեռացնելը, իսկ Էրդողանի նպատակն է Սիրիայի օկուպացիան օրինական դարձնել։ Ինչո՞ւ պետք է հանդիպեմ Էրդողանի հետ, ինչ-որ բան խմելո՞ւ համար։ Սիրիայում գտնվող ահաբեկչությունը սնվում է Թուրքիայից»։
Վերջինս ավելացրել էր, որ հանդիպումը չի կարող կայանալ Էրդողանի առաջարկած պայմաններով։
