Ամերիկացի միլիարդատեր Իլոն Մասկը, ով, ըստ լրատվամիջոցների, խափանել է ռուսական նավատորմի վրա ուկրաինական հարձակումը, պնդում է, որ դավաճան չէ։ Այս մասին Մասկը գրում է սոցցանցում։
«Ես ԱՄՆ քաղաքացի եմ և ունեմ միայն ԱՄՆ անձնագիր։ Ինչ էլ որ լինի, ես կկռվեմ հանուն Ամերիկայի ու կմեռնեմ հանուն Ամերիկայի։ ԱՄՆ Կոնգրեսը պատերազմ չի հայտարարել Ռուսաստանին. Եթե ինչ-որ մեկը դավաճան է, ես նրան անվանում եմ: Խնդրում եմ, դա պարզ դարձրեք նրանց»,- գրել է Մասկը։
Տեղեկության համար՝ նախկինում «CNN» հեռուստաընկերությունը ստացել էր Իլոն Մասկի կենսագրությունից մի հատված, որտեղ ասվում էր, որ 2022 թվականին Մասկը գաղտնի կարգադրել է անջատել իր արբանյակային ինտերնետ հասանելիությունը Ղրիմի ափերի մոտ՝ դրանով իսկ խափանելով ուկրաինական հարձակումը Ղրիմի վրա։ Ռուսական նավատորմը տեղակայված է Սևաստոպոլում։
Ավելի ուշ Մասկը պարզաբանել է, որ ինքը չի կտրել արբանյակային ինտերնետ կապը, սակայն մերժել է Ուկրաինայի խնդրանքը՝ Starlink-ը միացնել Ղրիմի ափին։
