Բուլղարիան ապրիլի 8-ից թույլ չի տա ռուսական գրանցում ունեցող նավերին մուտք գործել իր նավահանգիստները։ Այս մասին հայտնում է Բուլղարիայի ծովային վարչությունը։
Տեղեկատվության համաձայն՝ ապրիլի 8-ից Ռուսաստանի ծովային ռեգիստրի կողմից տրված վկայականով բոլոր նավերին կարգելվի մուտք գործել Բուլղարիայի ծովային և գետային նավահանգիստներ՝ անկախ այն դրոշից, որով նավարկում է նավը։
Ինչպես նշվեց, արգելքն ուժի մեջ է մտնում Եվրամիության կանոնների հիման վրա։
Բուլղարիան արդեն ապրիլին արգելել էր Ռուսաստանի դրոշով նավերի մուտքը երկրի սևծովյան նավահանգիստներ, ինչը կապված էր ԵՄ-ի կողմից Ռուսաստանի դեմ պատժամիջոցների ընդլայնման հետ:
