«Առաջին լրատվական»-ը Երևանի փողոցներում քաղաքացիներից հետաքրքրվել է, թե որն էր անցնող տարվա ընթացքում ամենամեծ ծախողումը:
«Ամենամեծ ձախողումը պատերազմն էր և ոչ ճիշտ ղեկավարումը: Հետևում ենք Լաչինի միջանցքում ստեղծված վիճակին ու շատ տխուր ենք: Գալիք տարի բոլորին խաղաղություն, առողջություն, երջանկություն»,-ասաց երևանցի կինը:
Երիտասարդներից մեկն էլ նշեց. «Դա շատ համալիր հարց է, բայց ընդհանուր ամենագլխավոր ձախողումը պլանավորման հարցն է: Ոչ մի ոլորտում հստակ պլանավորում չի նկատվում»:
«Այ պահին ամենակարևորը Արցախի բլոկադայից դուրս գալն է, դրանից կարևոր բան ես չեմ տեսնում, դա ձախողում է բոլորիս համար»,-ասաց երևանցի մի երիտասարդ: