Չեխիան ստանձնում է ԵՄ-ը նախագահությունը։ Պրահան գալիս է փոխարինելու Փարիզին։ Եվ հարցերի հարց է մնում, թե ինչ օգուտներ քաղեց Երևանը Փարիզի՝ ԵՄ-ն նախագահության ընթացքում՝ հենվելով Հայաստանի ու Ֆրանսիայի առանձնաշնորհյալ հարաբերությունների վրա։
Ամեն դեպքում, տեսանելի որևէ արդյունք չգրանցեցինք, բացի՝ հայ-ադրբեջանական գործընթացները Փարիզի հովանու ներքո որոշակիորեն Բրյուսելին հանձնելը։ Ինչ դեր կունենա հայ-ադրբեջանական հարաբերությունների կարգավորման գործում ԵՄ-ն՝ Պրահայի հովանու ներքո, դեռ պարզ չէ։ Ամեն դեպքում, Երևանն ու Պրահան չունեն այն մակարդակ փոխգործակցությունը, ինչ Փարիզն ու Երևանը։ Փարիզը, աներկբա, ահագին օգտակար էր լինում մեզ ԵՄ-ի հետ շփումներում, բարի խոսքով միջնորդում էր որոշ հարցերում ու այսպես ասենք՝ ստանձնում էր ՀՀ հարցերի կուրացիան Եվրոպայում։ Արդյո՞ք Փարիզը հետայսու ևս պատրաստակամ կլինի օգնել մեզ, թե Ֆրանսիայի նախագահության ավարտով ավարտվում է նաև հայկական շահերի պաշտպանության ակտիվ փուլը Բրյուսելում։ Ամեն դեպքում, Չեխիան արդեն հայտարարել է, թե նպատակներ է հետապնդելու։
Պաշտոնական մակարդակում հայտարարված է, որ Չեխիան ԵՄ-ի խորհրդում նախագահության ժամանակ ձգտելու, որպեսզի ուկրաինական ճգնաժամի կարգավորումը մնա Եվրամիության ուշադրության կենտրոնում: Այդ մասին հայտարարել է Չեխիայի արտաքին գործերի նախարար Յան Լիպավսկին:
Վերջինս նաև հավելել է, որ «Դիվանագիտական բանակցությունները պետք է վարվեն առաջին հերթին հենց ուկրաինացիների կողմից: Բայց մենք ուկրաինացիներին պետք է պահենք խաղի մեջ»,-հավելել է նա, նշելով, որ Չեխիայի նախագահությունը չի ազդի այդ բանակցությունների վրա:
Չեխիան ԵՄ-ում կգահակալի կես տարի։ Ինչ անելիք ունենք մենք՝ Չեխիայի հետ աշխատանքներում, բացի դեսպանատուն բացելը քննարկելու եմ։ Թեմայի շուրջ «Առաջին լրատվական»-ը զրուցել է Համաեվրոպական «Օրեր» ամսագրի գլխավոր խմբագիր Հակոբ Ասատրյանի հետ:
