Ղազախստանի նախկին նախագահ Նուրսուլթան Նազարբաեւի զարմիկը՝ Երբոլ Նազարբաեւը, հեռացվել Է հակակոռուպցիոն ծառայության մարմիններից: Այդ մասին, մայիսի 3-ին հաղորդել Է գերատեսչության մամուլի ծառայությունը:
«Պաբլիկներում տարածված տեսանյութի կապակցությամբ հակակոռուպցիոն ծառայությունը հաղորդում Է հետեւյալը. Գործակալության նախագահի 2022 թվականի հունվարի 26-ի հրամանագրով Երբոլ Նազարբաեւն ազատվել Է Գործակալության հատուկ դեպարտամենտի ղեկավարի տեղակալի պաշտոնից:
2022 թվականի ապրիլի 14-ին նա հեռացվել Է հակակոռուպցիոն ծառայության մարմիններից»,-ասվում Է հաղորդագրության մեջ: Երբոլ Նազարբաեւը Նուրսուլթան Նազարբաեւի եղբոր՝ Բոլատի որդին Է: Ավելի վաղ սոցիալական ցանցերում հայտնվել Էր տեսանյութ, որտեղ պատկերված Էր Երբոլ Նազարբաեւին նման մի մարդ, որին ոստիկանները կանգնեցրել են մգեցված ապակիներով ավտոմեքենայում, հաղորդել Է «Ինտերֆաքս»-ը: