Ճապոնիան եւ ԱՄՆ-ը Ճապոնական ծովում անցկացրել են համատեղ վարժանքներ, որոնց ընթացքում իրականացրել են բալիստիկ հրթիռի արձակման մասին տեղեկատվության վարժական փոխանակում: Այդ մասին հաղոդվում Է Ճապոնիայի ծովային Ինքնապաշտպանության ուժերի՝ ապրիլի 15-ին տարածված մամուլի տեղեկագրում:
Վարժանքներին մասնակցել են ճապոնական «Կոնգո» Էսկադրային ականակիրը, ինչպես նաեւ ԱՄՆ-ի ռազմաօդային ուժերի երկու նավ: Բացի դրանից կողմերը մշակել են մի շարք մարտավարական խնդիրներ՝ նպատակաուղղված փոխգործակցության բարելավմանը:
Այս շաբաթ Ճապոնական ծովում ԱՄՆ-ի եւ Ճապոնիայի վարժանքներին մասնակցել Է նաեւ ամերիկյան «Աբրահամ Լինկոլն» ավիակիրը: Բացի դանից, գործի են դրվել ճապոնական F-2 ռմբակոծիչ-կործանիչներ: Ինչպես նշել Է Կիոդո գործակալությունը, զորավարժություններն անցկացվել են ԿԺԴՀ-ի կողմից հաճախացած հրթիռային արձակումների ֆոնի վրա, հաղորդել Է ՏԱՍՍ-ը:
