Երեկ ԱՄՆ-ի արևլյան շրջաններում տեղի է ունեցել ուժեղ երկրաշարժ, որն ամենահզորն է վերջին 110 տարվա ընթացքում: Երկրաշարժի էպիկենտրոնը գրանցվել է Վիրջինիա նահանգում: Նրա ուժգնությունն էպիկենտրոնում կազմել է 5.8 մագնիտուդ: Ցնցումները զգացվել են մի շարք շրջաններում, այդ թվում ամերիկյան երկու գլխավոր քաղաքներում` Վաշինգտոնում և Նյու Յորքում: Նշվում է, որ կան փլուզումներ: Վնասվել է մայրաքաղաքի Վաշինգտոնի անվան հուշահամալիրի վերին հատվածը, որտեղ ճաքեր են առաջացել: Փլուզվել են նաև Վաշինգտոնի մայր տաճարի 4 ծայրաձողերից 3-ը, իսկ մյուսը թեքվել է: Այս մասին հաղորդում է Associated Press գործակալությունը:
ԱՄՆ նախագահ Բարաք Օբաման, ով այս օրերին գտնվում է կարճաժամկետ արձակուրդում, ստիպված է եղել արտակարգ խորհրդակցություններ անցկացնել, քանի որ նախօրեին դադարեցվել էր մի շարք խոշոր օդանավակայանների աշխատանքը, ինչպես նաև կանգնեցվել էր երկրաշարժի գոտում գտնվող ատոմակայաններից մեկի ռեակտորը: «Նախագահը խորհրդակցություն է անցկացրել Ազգային անվտանգության նախարարության և Արտակարգ իրավիճակների դաշնային գործակալության ղեկավարության հետ». այս մասին CBS-ին ասել է նախագահի խոսնակ Մարկ Նոլերը:
