Ենս Ստոլտենբերգը ՆԱՏՕ-ի գլխավոր քատուղարի պաշտոնում կմնա եւս մեկ տարի: Մարտի 24-ին այդ մասին հաղորդել Է Նորվեգիայի TV-2 հեռուստաալիքը՝ վկայակոչելով իր տվյալները: «TV-2-ի ստացած տեղեկատվության համաձայն՝ Ենս Ստոլտենբերգի լիազորությունները որպես ՆԱՏՕ-ի գլխավոր քարտուղարի մեկ տարով կերկարաձգվեն»,- ասված Է հեռուստաալիքի կայքում զետեղված նյութում:
Նորվեգիայի վարչապետ Յոնաս Գար Ստյորեն TV-2-ին հայտնել Է, որ կպաշտպանի ՆԱՏՕ-ում Ստոլտենբերգի լիազրությունների երկարաձգումը, եթե այդ որոշումն ընդունվի: Վարչապետի խոսքով՝ ինքը դա քննարկել Է գլխավոր քարտուղարի հետ եւ նրան հայտնել իր աջակցության մասին: Բացի դրանից, մի քանի ամերիկացի պաշտոնատար անձինք Financial Times-ին հայտարարել են, որ տեսնում են ՆԱՏՕ-ի ղեկավարի պաշտոնում Ստոլտենբերգի լիազորությունների ժամեկտի երկարաձգման աճող աջակցությունը: Մարտի 23-ին ազգայն անվտանգության հարցերով ԱՄՆ-ի նախագահի օգական Ջեյք Սալիվանը նշել Է. «Մենք կարծում ենք, որ Ենս Ստոլտենբերգը ֆանտաստիկ աշխատանք Է կատարում եւ օր ըստ օրե վճռական ղեկավար դեր Է խաղում ՆԱՏՕ-ում»:
«Ստոլտենբերգը դաշինքի իսկական ակտիվն Է»,- հավելել Է Սալիվանը: Բելգիայի վարչապետ Ալեքսանդեր Դե Կրոոյի խոսքով՝ «նավապետի փոխումը փոթորկի ժամանակ հեշտ գործ չԷ, եւ դա (լիազորությունների երկարաձգումը) ճիշտ Է»: Ինչպես բրիտանական թեթին ասել Է Նիդեռլանդների պաշտպանության նախարար Կայսա Օլենգրենը, Ստոլտենբերգը «մեծ աշխատանք Է կատարել»: «Կարեւոր Է, որ այդ պաշտոնում լինի որեւիցե մեկը, որին մենք բոլորս ճանաչում ենք եւ ում մենք բոլորս վստահում ենք, իսկ նա հենց այդ մարդն Է»,-կարծում Է Օլենգրենը: «Մենք շատ բարձր ենք գնահատում նրա առաջնորդությունը եւ սառնասրտությունը, առանձնապես ճգնաժամի ժամանակ հենց հիմա»,- հայտարարել Է «Ֆայնենշլ թայմսին» ՆԱՏՕ-ում Լեհաստանի մշտական ներկայացուցիչ Տոմաշ Շատկովսկին, հաղորդել Է ՏԱՍՍ-ը:
