Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը կարծում է, որ համաձայնագիրը կկնքվի մայիսից ոչ ուշ։
«Ռուսաստանի և Ուկրաինայի միջև պայմանագիրը կարող է կնքվել մեկ-երկու շաբաթվա ընթացքում, ծայրահեղ դեպքում՝ մայիսին», – հայտնել է Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը։
«Կարծում եմ՝ մայիսի սկզբից ոչ ուշ, ամենայն հավանականությամբ, խաղաղության համաձայնագիր կկնքվի, կամ, գուցե, ավելի շուտ», – ասել է նա՝ YouTube-յան «Feigin Live» ալիքին տված հարցազրույցում։
Ռուս-ուկրաինական բանակցությունները շարունակվել են երկուշաբթի օրը՝ մարտի 14-ին։ Ռուսաստանի պատվիրակությունը գլխավորում է ՌԴ նախագահի օգնական Վլադիմիր Մեդինսկին։ Ուկրաինայի նախագահ Վլադիմիր Զելենսկին հայտարարել է, որ հաջորդ փուլը կկայանա մարտի 15-ին։
