Ղազախստանի արտաքին գործերի նախարար Մուխթար Տլեուբերդին անհնար է համարել ՀԱՊԿ զորքերի ուղարկումը ինքնահռչակ Լուգանսկի և Դոնեցկի Ժողովրդական Հանրապետություններ։
«Ոչ, դա անհնար է, քանի որ ՀԱՊԿ կանոնադրությունը խստորեն սահմանափակում է ռազմական և խաղաղապահ ուժերի օգտագործումը, դրանք կարող են օգտագործվել միայն ՀԱՊԿ տարածքում»,- ասել է նա՝ պատասխանելով լրագրողների հարցին։
Նա հիշեցրել է, որ Դոնբասում ՀԱՊԿ խաղաղապահների տեղակայման սցենարը մեկնաբանել է ՀԱՊԿ գլխավոր քարտուղար Ստանիսլավ Զասը և այն անվանել «հիպոթետիկ հարց»։
«Այսինքն՝ դա գործնականում անհնար է,- ասաց Տլեուբերդին։- Հնարավոր ուղարկման համար, իհարկե, անհրաժեշտ է ՄԱԿ-ի Անվտանգության խորհրդի բանաձեւ և համապատասխան մանդատ։ Բայց, ինչպես գիտեք, ՄԱԿ-ն ունի իր խաղաղապահ ուժերը և հետևաբար այս հարցը գործնական հարթության վրա չէ»: