«Առավոտ» օրաթերթն անդրադառնում է հայաստանյան շուկաներում ազատորեն վաճառվող «անորակ, էժանագին, ներսից սպիտակ կոշտ գնդիկներով, քարի պես պինդ լոլիկներին», որը օգտագործելով՝ մարդու օրգանիզմում կարող են առաջանալ աղեստամոքսային և բազմաթիվ այլ հիվանդություններ՝ մինչև քաղցկեղ։
«Այդ սերմերի հիմնական մասը ներկրվում է Թուրքիայից։ Դրանք ունեն անհայտ ծագում, անծլունակ են, դրանց շարքում քիչ չեն նաև գենետիկորեն մոդիֆիկացված սերմերը»։
Թերթը գրում է, որ չար լեզուների համաձայն՝ սերմերի շուկայի հետևում կանգնած են բարձրաստիճան պաշտոնյաներ, որոնք այդ բիզնեսից մեծ շահույթներ են ստանում։
«Հետաքրքիր է, մի՞թե գյուղնախարարությունը տեղյակ չէ այդ մասին»,- հռետորական հարց է բարձրացնում հոդվածագիրը։