2020-ի սեպտեմբերի 21-ին Հայաստանի վարչապետ Նիկոլ Փաշինյանը ներակայցրեց Հայաստանի մինչև 2050 թվականի վերափոխման ռազմավարությունը։ Այն հիմնված է մեր ազգային արժեքների, ազգային նպատակների և հանրային պահանջարկի վրա։ Դրանում առաջնորդող արժեքներն են՝ Հայոց պետականությունը, Կրթությունը, Անհատը, Աշխատանքը։
Կառավարության ղեկավարը նշեց, որ ռազմավարության ամենակարևոր գաղափարական հիմքը վերջերս ընդունված ՀՀ ազգային անվտանգության ռազմավարությունն է, որի առաջաբանում մեր պատմության մեջ առաջին անգամ մենք արձանագրել ենք մեր ազգային արժեքները։ Քանի որ վերջին մեկ տարում մեր իրականությւոնը փոխվել է, մենք կագնել են բարդ, օրհասական ու հրատապ լուծումներ պահանջող խնդիրների ու առհասարակ տարածաշրջանային լուրջ տրանսֆորմացիաների առաջ մեզանում շատերը գուցե մոռացել են Հայաստանի վերափոխման ռազմավարության մասին, կամ էլ այն նույնականացնում են 2050 թ. տեսլականի որոշ ուղերձների հետ, օրինակ, 5 մլն. բնակչությամբ Հայաստանի։
Անդրադառնալու ենք ռազմավարության մասին քննադատություններին, թյուրըմբռնումներին, տեղեկատվական բացին ու, առհասարակ, փորձենք հասկանալ ինչ փուլում է ռազմավարությունը նոր իրողությունների պայմաններում։