«Բրուզգի» անցակետի շրջանում ոչ մի միգրանտ չի մնացել: Այդ մասին, հաղորդել Է ՌԻԱ Նովոստի գործակալությունը: Փախստականների մի մասն անցել Է տրանսպորտա-լոգիստական կենտրոն, որտեղ բելառուսները նրանց համար գիշերելու տեղ են տվել, մի մասը վերադարձել Է անտառում խփված տարերային ճամբար:
Հանրապետական Կարմիր խաչի տվյալներով՝ այդ կենտրոնում տեղավորվել Է ավելի քան հազար մարդ: Ավելի վաղ Վարշավայում հայտարարել են, որ գիշերը միգրանտները կրկին փորձեր են արել հարթահարել սահմանապահ ջոկատը: Ամռանը Լեհաստանի եւ Մերձբալթյան երկրների հետ Բելառուսի սահմանին ավելացել Է Մերձավոր Արեւելքից եր Աֆրիկայից փախստականների հոսքը, որոնք փորձում են թափանցել Արեւմտյան Եվրոպա: Իրադրությունը սրվել Է նոյեմբերի 8-ին, երբ արգելափակոցների մոտ հավաքվել Էր ավելի քան երկու հազար մարդ:
Նրանք ճեղքելու մի քանի փորձ են ձեռնարկել, բայց լեհերը կիրառել են արտասվաբեր գազ եւ կանգնեցրել սահմանն անցնել ցանկացողների մեծ մասին: Դրանից հետո միգրանտները տարերային ճամբար են խփել Գրոդնենի մարզի «Բրուզգի» անցակետից ոչ հեռու: Նոյեմբերի 15-ին շուրջ 3,5 հազար մարդ ճամբարից շարժվել Է դեպի անցակետ եւ տեղավորվել «հենց սահմանագծին»: Մյուս կողմից կենտրոնացվել են լեհ զինվորականներ եւ հատուկ տեխնիկա: Արեւմուտքը Մինսկին մեղադրել Է միգրացիոն ճգնաժամ ստեղծելու մեջ: Մինսկը բոլոր մեղադրանքներ հերքում Է: Բելառուսի նախագահ Ալեքսանդր Լուկաշենկոն հայտարարել Է, որ Մինսկն այլեւս չի զսպելու ԵՄ-ի երկրներ անօրինական միգրանտների հոսքը. Արեւմուտքի պատժամիջոցների պատճառով դրա համար չկա «ո՛չ փող, ո՛չ ուժեր»
