Հայաստանում նախկին համակարգը գործում էր արտասահմանադրական միջավայրում. ռեժիմը մաֆիոզ էր

Անկասկած է, որ Սահմանադրության փոփոխությունը որևէ պարագայում քաղաքական գործընթաց է, ոչ թե մասնագիտական: Առավել ևս երկրներում, որոնք հեռու են թե պետական կյանքի, թե հասարակական-քաղաքական կյանքի ինստիտուցիոնալության, ավանդութականության և մշակույթի բարձր աստիճանից, Սահմանադրության փոփոխությունը անխուսափելիորեն վերածվում է քաղաքական գործընթացի: Հետևաբար շատ կարևոր է, թե կառավարող մեծամասնությունը, որը ստանձնում է դրա քաղաքական պատասխանատվությունը, ինչ տրամաբանություն ու փիլիսոփայություն է դնում այդ գործընթացի հիմքում հենց քաղաքական մակարդակում, որից էլ կախված է լինելու, թե ինչպիսի աշխատանք է ծավալվելու մասնագիտական տիրույթում: Թեմայի շուրջ «Առաջին լրատվական»-ը զրուցել է Հանուն Հանրապետության կուսակցության անդամ Արտաշես Խալաթյանի հետ: