Ըստ Associated Press-ի՝ իտալական ավտոմեքենաներ արտադրող Fiat ընկերությունն ԱՄՆ է արտահանում Fiat 500 մակնիշի ավտոմեքենաների հատուկ մոդելներ՝ մշակված Gucci նորաձևության տան մասնակցությամբ: Այս ձևով ընկերությունը ձգտում է ավելացնել ավտոմեքենաների վաճառքը: Սև ավտոմեքենան նկարազարդված կլինի նորաձևության տան դասական խորհրդանիշներով՝ GG կրճատ տառերով և կարմիր-կանաչ գծով:
Fiat մակնիշի ավտոմեքենայի հատուկ մոդելն առաջին անգամ կցուցադրվի սեպտեմբերի 8-ին՝ Նյու Յորքի նորաձևության շաբաթվա բացման ժամանակ, մինչդեռ սրահներում այն կհայտնվի միայն դեկտեմբերին:
Fiat ընկերությունն ԱՄՆ-ում և Կանադայում վաճառել է ընդամենը 11 հազար Fiat 500 մակնիշի ավտոմեքենա, մինչդեռ, ըստ ծրագրի, մեկ տարվա ընթացքում վաճառքը պետք է հասնի 50 հազարի: