ԱՄՆ-ի Mount Whitney հրամանատարական նավի ուղարկելը Սեւ ծով կրում Է սադրիչ բնույթ եւ ապակայունացնող գործոն Է տարածաշրջանում: Այդ մասին, հայտարարել Է պաշտպանության հարցերով Պետդումայի կոմիտեի նախագահ Անդրեյ Կարտապոլովը:
«Կարծում եմ, որ այնպիսի գործողություններ, ինչպիսին ԱՄՆ-ի Վեցերորդ նավատորմի Mount Whitney հրամանատարական նավի ուղեւորվելն Է Սեւ ծով, կրում են բացահայտ սադրիչ բնույթ եւ ակնհայտ ապակայունացնող են: Դա լրացուցիչ ապակայունացնող գործոն Է տարածաշրջանում»,-Կարտոպոլովը «Ինտերֆաքս» գործակալությանն ասել Է նոյեմբերի 1-ին:
Նա նշել Է, որ «Ռուսաստանը միշտ պատրաստ Է ցանկացած մարտահրավերների»:
«Մենք կարող ենք երաշխավորել մեր բոլոր սահմանների անվտանգությունն ու հուսալի պաշտպանությունը, իսկ Սեւ ծովում՝ առավել եւս»,-ասել Է կոմիտեի ղեկավարը:
Նոյեմբերի 1-ին ավելի վաղ ԱՄՆ-ի Վեցերորդ օպերատիվ նավատորմը հաղորդել Է, որ Սեւ ծով Է ուղեւորվում ամերիկյան USS Mount Whitney հրամանա-շտաբային նավը: Նավն արդեն անցել Է Դարդանելի նեղուցը եւ ներկայում գտնվում Է Մարմարա ծովում: Mount Whitney-ը եւ նրա թիմը Սեւ ծովում գործելու են ՆԱՏՕ-ի գծով դաշնակիցների եւ գործընկերների հետ միասին՝ նպատակ ունենալով ապահովել անվտանգությունն ու կայունությունը տարածաշրջանում»,-նշել են Միացյալ Նահանգների զինվորականները: