Չինաստանի ազգային նավթագազային ընկերության դուստր ձեռնարկություն հանդիսացող PetroChina էներգետիկ ընկերությունը հայտնաբերել է թերթաքարային նավթի զգալի պաշարներ Չինաստանի խոշորագույն՝ Դացին հանքավայրում, որը գտնվում է հյուսիսարևելյան Հեյլունցզյան նահանգում։
Թերթաքարային նավթի կանխատեսվող երկրաբանական պաշարները գերազանցում են 1,268 միլիարդ տոննան։
Դացինի նավթագազային հանքավայրը բացվել է 1959 թվականին. այսօրվա դրությամբ այն ՉԺՀ-ում խոշորագույն հանքավայրն է՝ ավելի քան 5,7 միլիարդ տոննա նավթի և մեկ տրիլիոն խորանարդ մետր բնական գազի երկրաբանական պաշարներով, հաղորդում է ՌԻԱ Նովոստին:
