Կորոնավիրուսի դրական դեպքերի թիվը դանդաղ աճ է գրանցում։ Կառավարության նիստի ժամանակ այս մասին հայտարարեց ՀՀ առողջապահության նախարար Անահիտ Ավանեսյանը։
«Առաջիկայում մեզ սպասվում է ուսումնական նոր տարվա մեկնարկը և ամեն բան պետք է անենք, կանոնները պահպանելով, հնարավորինս զսպել համավարակի աճը»,-նշեց նախարարը։
Անահիտ Ավանեսյանը ներկայացրեց նաև պատվաստումների ցուցանիշները։ Այս պահի դրությամբ իրականացվել է 190 036 պատվաստում, որից 6188 պատվաստումն իրականացվել է երեկ։ Նախարարի խոսքով պատվաստման տեմպի լավ առաջընթաց ունենք։
