Կորոնավիրուսից հետո բուժված ռուսաստանցիների թիվը մեկ օրում աճել Է 21 336-ով, դա առավելագույնն Է փետրվարի 11-ից ի վեր:
Ընդամենն արդեն ապաքինվել Է 5 143 255 մարդ, լրագրողներին հայտնել են նոր վարակի դեմ պայքարի դաշնային օպերատիվ շտաբում:
Դուրս գրված հիվանդների բաժինը, շտաբի տվյալների համաձայն՝ կազմում Է վարակվածների ընդհանուր թվի 90,1 տոկոսը: Կորոնավիրուսով վարակման հաստատված դեպքերի թիվն աճել Է 24 818-ով՝ մինչեւ 5 707 452: Հարաբերական արտահայտությամբ հիվանդացածների թվի աճը կազմել Է 0,44 տոկոս:
Այսպես կոչված ակտիվ դեպքերի, այսինքն՝ այն հիվանդների թիվն, ովքեր այս պահին բուժում են անցնում, Ռուսաստանում հասել Է 423 422-ի:
Դա առավելագույնն Է փետրվարի 9-ից ի վեր: Ռուսաստանում կորոնավիրուսի պատճառով մահացու վախճանների թիվն աճել Է 734-ով՝ մեկ օր առաջվա 725-ի դիմաց:
Ընդամենը վարակից մահացել Է 140 775 հիվանդ: Պայմանական մահացությունը (վերջնականը հնարավոր կլինի որոշել սոսկ համաճարակն ավարտվելուց հտո) աճել Է մինչեւ 2,47 տոկոսի մակարդակ, հետեւում Է շտաբի տվյալներից:
Մոսկվայում կորոնավիրուսով վարակման դեպքերի թիվը մեկ օրում աճել Է 6 040-ով՝ մեկ օր առաջվա 5 621-ի դիմաց: Ընդամենը համավարակի սկզբից քաղաքում հայտնաբերվել Է 1 411 491 վարակված:
Հարաբերական արտահայտությամբ աճը կազմել Է 0,43 տոկոս:
Մեկ օրում Մոսկվայում արձանագրվել Է քովիդի պատճառով 109 մահացու վախճան, ընդամենը մահացել Է 23 328 մարդ:
Մեկ օրում ապաքինմամբ դուրս Է գրվել 6 805 հիվանդ, ամբողջ ժամանակամիջոցում բուժվել Է 1 207 500 մարդ: Ներկայումս մայրաքաղաքում բուժումն Է շարունակում 180 663 մարդ, հաղորդել Է ՏԱՍՍ-ը:
