Սիրիան Պետերբուրգի միջազգային տնտեսական համաժողովում (ՊՄՏՀ) ելք Է փնտրում՝ դուրս գալու Դամասկոսի նկատմամբ սահմանված ամերիկյան պատժամիջոցներից: Այդ մասին ասել Է Մոսկվայում ՍԱՀ-ի դեսպան Ռիյադ Հադդադը:
«Առաջին հերթին այն տնտեսական պատժամիջոցներն են, որոնք ամերիկացիներն օգտագործում են բազմաթիվ երկրների դեմ, մենք այդ պատժամիջոցներից դուրս գալու ելք ենք փնտրում այս համաժողովում»,-Հադադը լրագրողներին ասել Է ՊՄՏՀ-ի հարթակներում:
Դեսպանի խոսքով՝ գագաթնաժողովում կարելի Է գտնել աշխարհում տնտեսական խնդիրների լուծումը:
ԱՄՆ-ը 2020 թվականին ընդլայնել Է Սիրիայի նկատմամբ պատժամիջոցները, այդ թվում՝ ուժեղացնելով տնտեսական շրջափակումը, որը հունիսին ուժի մեջ Է մտնել «Կեսար» օրենքով, որի շրջանակներում պատժամիջոցների ներքո են հայտնվում ոչ միայն Սիրիայի, այլեւ ուրիշ երկրների այն կազմակերպությունները, որոնք փոխգործակցում են ՍԱՀ-ի հետ:
Նման ճնշումը սաստիկ թուլացրել Է դոլարի նկատմամբ ազգային արժույթը, ներքին շուկայում առաջացրել Է մի շարք դեղորայքային պատրաստուկների դեֆիցիտ եւ առաջին անհրաժեշտության բազմաթիվ սննդամթերքների գների բարձրացում: Սիրիան եւ Ռուսաստանը ՊՄՏՀ-ում կստորագրեն մի քանի համաձայնագրեր, ասել Է Մոսկվայում ՍԱՀ-ի դեսպան Ռիյադ Հադդադը:
«Քանի որ Ռուսաստանի Դաշնությունը մեզ մշտական օգնություն Է ցուցաբերում, այսօր տնտեսական համաձայնագրեր կստորագրվեն հենց այս գագաթնաժողովի մակարդակով: Այսօր ստորագրվելու են մի քանի համաձայնագրեր»,-դիվանագետը լրագրողներին ասել Է ՊԿՏՀ-ի հարթակներում:
Նա նշել Է, որ համաձայնագրերից մեկը վերաբերելու Է ձկնորսության ոլորտին: Պետերբուրգի միջազգային տնտեսական համաժողովը 2021 թվականին անցկացվում Է հունիսի 2-ից 5-ը՝ անմիջակա ձեւաչափով: «Ռոսսիա սեգոդնյա» լրատվական գործակալությունը հանդես Է գալիս որպես ՊՄՏՀ-ի լրատվական գործընկեր, հաղորդել Է ՌԻԱ Նովոստին:
