ԱՄՆ նախագահ Ջո Բայդենը մեկ հրամանագրով չեղյալ է համարել իր նախորդի՝ Դոնալդ Թրամփի յոթ հրամանագրերը, ներառյալ հուշարձանների պահպանության և սոցցանցերում գրաքննության վերաբերյալ։ Այս մասին հայտնում է Սպիտակ տունը:
Ամերիկացի հերոսների արձանների զբոսայգի կառուցելու մասին որոշումը, տարբեր կանոնակարգերի խախտման համար պաշտոնատար անձանց քրեական հետապնդումից պաշտպանելու մասին և այլ որոշումներ այլևս ուժի մեջ չեն։
Կասեցված բոլոր հրամանագրերը Թրամփը ստորագրել էր 2020 թվականի մայիսից 2021 թվականի հունվար: Նախկին նախագահը մի շարք նախաձեռնություններ ստորագրել է դեմոկրատ Բայդենի երդմնակալությունից կարճ ժամանակ առաջ:
Բայդենը նույնպես չեղյալ է հայտարարել Թրամփի սահմանած այն կանոնը, որ միգրացիոն իշխանությունները կարող են մերժել կեցության թույլտվությունը՝ պատրվակով, որ միգրանտը կարող է բեռ դառնալ ամերիկացի հարկատուների համար։ 2019-ի հոկտեմբերից սկսած, արտոնյալ բժշական սպասարկումը խոչընդոտ էր դարձել ներգաղթի խնդրագիրը հաստատելու համար, և կեցության թույլտվություն ստանալու համար թեկնածուները պետք է ունենային առողջապահական ապահովագրություն կամ ապացուցեին, որ կարող են ինքնուրույն փոխհատուցել իրենց բժշկական ծախսերը։
«Դա չի նպաստում Միացյալ Նահանգների շահերին»,-ասել է Բայդենը՝ հանձնարարելով վարչակազմին անհրաժեշտ փոփոխություններ կատարել գործող կանոններում:
