Բելառուսի նախագահ Ալեքսանդր Լուկաշենկոն հայտարարել է, որ եթե Եվրամիությունում Մինսկի դեմ պատժամիջոցների հետևանքով խնդիրներ են ցանկանում, նրանք կստանան դրանք: Ընդ որում՝ նա վարչապետ Ռոման Գոլովչենկոյին հանձնարարել է պատրաստել երկրում ԵՄ-ի խոշոր ծրագրերի մասին տեղեկատվություն:
«Պարզապես կասեմ, որ հասկանաք. եթե եվրոպացիներն այդ խնդիրների հետ կապված խնդիրներ են ուզում, նրանք դրանք կստանան: Այլևս ոչինչ չեմ ասի, ժամանակը ցույց կտա»,-ասել է Լուկաշենկոն:
Լուկաշենկոն ավելացրել է, որ ամեն անգամ ինքն իրեն հարց է տալիս՝ ո՞ւմ են պետք այդ պատժամիջոցները և ինչո՞ւ:
«Լսե՛ք, մենք պաշտպանում ենք մեր երկիրը: Մենք ցանկանում ենք ապրել մեր երկրում ու պաշտպանում ենք այն: Մեզ դրա համար պատժամիջոցների՞ են ենթարկում: Ուրեմն պետք է պատասխան տալ»,- ասել է Բելառուսի նախագահը:
