Ապրիլի 18-ին սրտի նոպայից մահացել է Իրանի Իսլամական հեղափոխության պահապանների կորպուսի «Քուդս» ուժերի հրամանատարի տեղակալ, բրիգադային գեներալ Սեյեդ Մոհամմադ Հոսեյն Հեջազին: Այս մասին հայտարարել են Իրանի իշխանությունները:
Գեներալը ղեկավարում էր «Բասիջ» ջոկատը (ժողովրդական զորահավաք), գլխավորել էր Լիբանանում գտնվող կորպուսի ուժերը և կռվել Սիրիայում՝ «Իսլամական պետություն» կազմակերպության դեմ:
Ինչպես գրում են «Voenniy Obozrevatel» Telegram ալիքի վերլուծաբանները, ԻՀՊԿ-ն կրել է մեծ կորուստ, բայց փոխարինման մասին արդեն հայտարարվել է: Մոհամմադ Ռեզա Ֆելլահզադեն կլինի նրա իրավահաջորդը: Ավելի վաղ նա ծառայել է Սիրիայում լեգենդար Սուլեյմանիի հրամանատարության տակ։