Ամերիկյան տիեզերական NASA գործակալության գիտնականները հայտնաբերել են հերթական փաստերը, որոնք կարող են նոր եռանդ հաղորդել Մարս մոլորակի վրա կյանքի փնտրտուքին: Ուսումնասիրելով ստացված նկարները՝ կատարված Mars Reconnaissance Orbiter զոնդի կողմից, նրանք եկել են այն եզրակացության, որ սև գծերը, որոնք հստակ երևում են որոշ լեռների վրա, ջրի հետքեր են:
Science ամսագրում տպագրված հոդվածի համաձայն՝ 0.5-5 մետր լայնություն ունեցող շերտերը հայտվում են այդ մոլորակի վրա գարնանը և վերանում են ձմռանը: Դրանց ամենատրամաբանական բացատրությունն այն է, որ դրանք կարող են լինել աղի ջրի հոսքեր:
Գիտնականները հաշվարկել են, որ այդ ջրի աղիությունը կազմում է մոտ 50 պրոմիլ (1/10 տոկոս), մինչդեռ Երկիր մոլորակի ծովերի աղիությունը կազմում է 35 պրոմիլ: Նման աղիությունը թույլ է տալիս ջրին մնալ հեղուկ վիճակում Մարսի վրա ջերմաստիճանի կտրուկ տատանումների ժամանակ: Այդուհանդերձ, գիտնականները նշում են, որ սա ընդամենը հիպոթեզ է, ինչը հստակորեն ապացուցել դեռ չի հաջողվել:
