Տեղի է ունենում խմորում. առողջ հասարակությունը պետք է իր մեջ ուժ գտնի համախմբվի և մի կողմ թողնի այս պահին ասպարեզում ակտիվ քաղաքական դաշտի ներկայացուցիչներին, որովհետև նրանք՝ բոլորը, մի թիմի անդամներ են, նրանք բոլորը՝ ընդդիմությունը լինի, թե իշխանությունը, մի տիկնիկախաղի տիկնիկներ են, և նրանցից ոչ մեկը այսուհետև իրավունք չունի իրեն կապակցված զգալու այս ժողովրդի հետ, և իրավունք չունի ինքզինքը այս երկրի քաղաքական գործիչ համարելու: Այս մասին «Առաջին լրատվական»-ի հետ զրույցում ասաց ռեժիսոր Դավիթ Մաթևոսյանը:
Նրա խոսքով՝ պատերազմը բացել է բոլորի խաղաքարտերը, և բոլորը ջրի երես են դուրս եկել՝ իրենց թշվառությամբ: «Եթե նախկինում խոսում էինք լյուստրացիայի մասին, ապա այժմ դրա կարիքը չկա, բոլորս լյուստրացիայի ականատեսը եղանք՝ պատերազմի գնով և մեր լույս սերունդը կորցնելու գնով»,- նշեց ռեժիսորը:
«Պատերազմի ժամանակ դավաճանության ու խուճապի մեխանիզմներ են կիրառվել, դա լավ կազմակերպված է եղել… Հայկական դաշտի միանձնյա խաղացողը պետք է հարգի հասարակությանը: Մեր հասարակությունը պատերազմով ապացուցեց, որ առնվազն իր 70 տոկոսով արժանապատիվ հասարակություն է, և այդ առողջ հասարակությունը պետք է արժանապատիվ երկխոսության մեջ մտնի ՌԴ-ի և Պուտիինի, ԱՄՆ-ի և Բայդենի, Ֆրանսիայի և Մակրոնի հետ»,- նշեց Մաթևոսյանը:
«Մի բանի վրա եմ զարմանում, թե ոնց է այս լուսավոր ժողովրդից ծնվում այսպիսի քաղաքական աղբ»,- ընդգծեց Մաթևոսյանը՝ նկատելով, որ դա կախված է նաև արտաքին գործոններից:
Մանրամասն՝ տեսանյութում:
