Անհետ կորած զինծառայողների ծնողները բողոքի ակցիա են իրականացնում պաշտպանության նախարարության շենքի մոտ:
«Քիչ առաջ նախարար Վաղարշակ Հարությունյանի հետ խոսել ենք, րոպեներ անց կառավարությունում տեղի է ունենալու խորհրդակցություն՝ վարչապետի գլխավորությամբ: Բոլոր պատկան գերատեսչությունները, որոնք մինչ օրս զբաղված են եղել այս աշխատանքներով, անպայման ներկա են գտնվելու խորհրդակցությանը»,- նշեց անկախ պատգամավոր Արման Բաբաջանյանը:
Նա հույս հայտնեց, որ ժամը 16.30-ին ծնողների հետ կլինի հանդիպում, և ներկայացվող ամբողջ տեղեկատվությունը, այս պահի դրությամբ առնվազն, կբավարարի հարազատներին, ծնողներին:
Պատգամավորը կարծում է, որ պաշտպանական նախկին գերատեսչությունն իրավունք չուներ այս ծնողներին այսպիսի վիճակում թողնելու. «Ամեն օր պիտի թարմացնեին տեղեկությունները: Վաղարշակ Հարությունյանի և ՌԴ պաշտպանության նախարարի հանդիպման առանցքային հարցերից մեկը եղել է նաև այս թեման»:
Մանրամասն՝ տեսանյութում: