Քրդերի ու Սիրիայի հիմնախնդիրների ոլորտում մասնագիտացած սիրիացի իրավապաշտպան Մոհամադ Հերդեմը Twitter-ի իր միկրոբլոգում տեղադրել է թուրքամետ զինյալներից մեկի լուսանկարը, ով այժմ հանգիստ ապրում է Թուրքիայում:
«Հարեթն այսօր սիրում է գնումներ կատարել Թուրքիայում: Անցյալ տարի՝ նույն օրը, նա ծափահարում և նկարահանում էր իր խմբին Սիրիայի հյուսիս-արևելքում գտնվող M4 մայրուղում դաշտային մահապատիժներ կատարելիս, այդ թվում՝ քուրդ քաղաքական գործիչ Հեվրին Խալաֆի մահապատիժը: Չկա հարց, չկա արդարություն, չնայած հանցագործները լավ հայտնի են»,- գրել են փորձագետները:
Սիրիայում Թուրքիայի և նրա հրոսակների կամայականությունների հանդեպ միջազգային հանրության ցուցաբերած անպատժելիությունը հանգեցրեց այն փաստին, որ Անկարայի էքսպանսիոնիստական նկրտումները տարածվեցին դեպի Լիբիա, Հունաստան և Կիպրոս, Իրաք և այժմ Հարավային Կովկաս:
Թուրքիան ազատորեն ոտնահարում է մարդու բոլոր տեսակի իրավունքներն ու ազատությունները և միջազգային իրավունքի նորմերը՝ վարձկաններ ուղարկելով Լիբիա և Ադրբեջան: Բայց Արցախը պետք է դառնա սուլթանի վերջին կանգառը:
