Ղրղզստանի նախագահ Սոորոնբայ Ժեենբեկովը պատրաստակամություն Է հայտնել պետության ղեկավարի պաշտոնը թողնել այն բանից հետո, երբ կհաստատվեն գործադիր իշխանության օրինական մարմինները և երկիրը կկանգնի օրինականության ճանապարհին։
«Անհրաժեշտ է, որ մենք ստեղծված իրադրությունը որքան կարելի ավելի արագ վերադարձնենք իրավական հուն»,-հավելել է Ժեենբեկովը, որի խոսքը տարածել է նրա մամուլի ծառայությունը:
Նախագահը նաև պատրաստակամություն է հայտնել պաշտոնից ազատել վարչապետին և կառավարության անդամներին, որոնք աշխատել են մինչև ճգնաժամը, որպեսզի օրինականացնեն նոր նախարարների կաբինետը: Ժեենբեկովը նշել է, որ «ոչ մի պաշտոն պետության ամբողջականությունից, ժողովրդի միասնությունից և հասարակության անդորրությունից վեր չէ: Նրա գնահատմամբ, քաղաքական իրադրությունը երկրում «հասել է օրհասական կետի»:
Նա հիշեցրել է, որ Ղրղզստանի խորհրդարանի ընտրությունների արդյունքները չեղարկելու և նոր ընտրություններ նշանակելու անհրաժեշտության մասին:
«Դրա մասին որոշումը կընդունի ԿԸՀ-ն: Այդ միջոցառումները կնվազեցնեն ներկայիս քաղաքական լարվածությունը»,-կարծիք է հայտնել նա: Ժեենբեկովը բոլոր քաղաքական ուժերին կոչ Է արել՝ պահպանել խաղաղությունն ու հանգստությունը երկրում:
Հոկտեմբերի 5-ին Ղրղզստանում սկսվել են ընդդիմության ելույթները, որը չի ճանաչել խորհրդարանական ընտրությունների արդյունքները, որոնք անցկացվել են հոկտեմբերի 4-ին: Իրավապահ մարմիններն ուժ են կիրառել ցուցարարների նկատմամբ, որոնք փորձել են թափանցել խորհրդարանի շենք: Բախումները Բիշքեկում շարունակվել են ամբողջ գիշեր, առավոտվա կողմերը բողոքի մասնակիցները գրավել են խորհրդարանի շենքը, որտեղ նաև տեղակայված է նախագահի գրասենյակը:
Հոկտեմբերի 6-ին Կենտրոնական ընտրական հանձնաժողովը չեղարկել Է խորհրդարանական ընտրությունների արդյունքները, որոնք անցկացվել էին հոկտեմբերի 4-ին: Ղրղզստանի վարչապետ Ղուբաթբեկ Բորոնովը հրաժարական Է տվել: Նախագահ Սոորոնբեկ Ժեենբեկովը, նրա մամուլի քարտուղարի պնդմամբ, գտնվում է Բիշքեկում և «վերահսկում է իրադրությունը»: Նա քանիցս երկխոսության կոչ Է արել ընդդիմադիրներին, բայց, որքան հմյտնի է, առայժմ ոչ մի պաշտոնական բանակցություններ չեն անցկացվել:
