«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնի մրցանակակիր ֆիլմերն արդեն հայտնի են:
Մրցութային ծրագրում ընդգրկվել են ֆիլմեր, որոնց ուղերձներն են մարդասիրությունը, հայրենասիրությունը, առողջ ապրելակերպը և այլ համամարդկային արժեքներ:
Անիմացիոն ֆիլմերից հաղթող են ճանաչվել Աթամ Ռաշոյի «Ձայն հառաչանաց»-ը (Ֆրանսիա), որտեղ լավագույն ուղերձը եղել է «հավատը», Շանտալ Քասարջյանի «Բաղադրատոմս աքսորում»-ը (ԱՄՆ), լավագույն ուղերձը՝ «ընտանեկան արժեքներ», Ռոզա Կոլչագովայի «Տատիկ-ը (Բուլղարիա), որտեղ լավագույն ուղերձը՝ «սեր»-ն է եղել։
Լիամետրաժ ֆիլմերից հաղթող են ճանաչվել Գեորգի Գաչավայի «Թշնամիները» (Վրաստան), լավագույն ուղերձը եղել է «խաղաղություն», Մոհամադրեզա Հաջի Ղոլամի «Ընկույզ»-ը (Իրան), որի լավագույն ուղերձը եղել է «հավատ»-ը, Ֆիլիպպ Աբրյուտինի և Մաքսիմ Զիկովի «Երազանքների թիմը» (ՌԴ), լավագույն ուղերձը՝ «սպորտային արժեքներ», Աննա Հարությունյանի՝ «Անիկո» (Հայաստան), լավագույն ուղերձը՝ «ընտանեկան արժեքներ»։
Կարճամետրաժ ֆիլմերից հաղթող են ճանաչվել Սեդրիկ Սպինասուի «Բացառիկ օր-ը (Ֆրանսիա), որի լավագույն ուղերձը եղել է «ընտանեկան արժեքներ», Միրաբաս Խոսրավինեժադի «Ազադե»-ն (Իրան), լավագույն ուղերձ՝ «մարդասիրություն», Արջ-Ասպետ Շերմազանյանի «Աղ ու հաց»-ը (ՌԴ և Հայաստան), իսկ լավագույն ուղերձը եղել է «ներում»-ը, Աննա Պռուդնիկովայի «Վալենկի»-ն (ՌԴ), լավագույն ուղերձը՝ «հույս», Ռոդրիգո Սոպենյայի և Ջոանա Սոլնադոքի «Կրակմարիչ»-ը (Իսպանիա), լավագույն ուղերձ՝ «հավատ», Իրինա Բասսի «Մտերիմը» (ՌԴ), լավագույն ուղերձը՝ «ընտանեկան արժեքներ», Հյուգո լը Գուղղիեղեկի «Պիպոն և կույր սերը» (Ֆրանսիա), լավագույն ուղերձը՝ «սեր», Գեորգի Ունկովսկու «Պիտակ»-ը (Մակեդոնիա), լավագույն ուղերձը՝ «ընտանեկան արժեքներ»։
Վավերագրական ֆիլմերից հաղթող են ճանաչվել Նատալյա Մախանկոյի «Հերթի ցուցակ»-ը (ՌԴ), լավագույն ուղերձ՝ «մեր օրերի հերոսը», Դմիտրի Շպիլենոկի և Վլադիսլավ Գրիշինի «Կարմիր ձուկ՝ սաղմոն»-ը (ՌԴ), լավագույն ուղերձ՝ «մաքուր մոլորակ», Անաստասիա Շտանդկե «Ինչ կլինի վաղը» (ՌԴ), լավագույն ուղերձ՝ «հավատ», Դիդիե Կրոսի «Սպիներ»-ը (Ֆրանսիա), լավագույն ուղերձ՝ «քաջություն», Ռոման Պոմերանցեվի «Լիտվյակովը մարդուն», (ՌԴ), լավագույն ուղերձ՝ «սեր»:
Մայր Աթոռ Սուրբ Էջմիածնի հատուկ մրցանակի հաղթողներ են ճանաչվել Աթամ Ռաշոյի «Յայն հառաչանաց»-ը (Ֆրանսիա), լավագույն ուղերձ՝ «հույս, հավատ, սեր»։ Նատալյա Ֆեդչենկո «Երկնային ուրախություն» (ՌԴ), լավագույն ուղերձ՝ «հույս, հավատ, սեր»։ Դան Գրինի «Վանականը» (ՌԴ), լավագույն ուղերձ՝ «խոստովանություն»։
«Ֆրեսկո» արդի արվեստի և հոգևոր ֆիլմերի 7-րդ միջազգային փառատոնին այս տարի ներկայացված 3000-ից ավել հայտից (85 երկիր) ընտրվել է 63 ֆիլմ (23 երկիր):
Փառատոնի հանդիսավոր բացման արարողությունը տեղի է ունեցել օգոստոսի 22-ին սահմանամերձ Բերդ քաղաքում՝ Բերդ պարային անսամբլի բացօթյա մենահամերգով։ Այնուհետև օգոստոսի 24-ին ֆիլմերի բացօթյա ցուցադրումով մեկնարկել է երևանյան ծրագիրը։ Օգոստոսի 28-ին անց է կացվել Հայաստանի Պարի պետական անսամբլի մենահամերգը, 29-ին՝ Ռուբեն Հախվերդյանի 70-ամյակին նվիրված հոբելյանական համերգը, օգոստոսի 30-ին՝ Ջիվան Գասպարյան և ընկերներ:
