Վաղը՝ օգոստոսի 19-ին նախկին նախագահ Սերժ Սարգսյանը հրավիրում է պաշտոնաթողությունից հետո իր առաջին մամուլի ասուլիսը՝ 2016 թվականի Ապրիլյան պատերազմի թեմայով: Սարգսյանը Ազգային ժողովում ապրիլյան պատերազմի հանգամանքները քննող հանձնաժողովի նիստից առաջ լրագրողների հարցերին չպատասխանեց՝ խոստանալով առաջիկայում ասուլիս հրավիրել ու իր ձևակերպմամբ, բոլոր հարցերին պատասխանել:
Ապրիլյան պատերազմի հանգամանքները ուսումնասիրող հանձնաժողովը ստեղծվել էր անցած տարի մայիսի 31-ին, լիազորությունների ժամկետը ևս կես տարով երկարաձգվել էր դեկտեմբերին: Ավարտական զեկույցը քննիչ հանձնաժողովը կներկայացնի աշնանը:
Քաղաքացիները առանձնապես մեծ սպասելիքներ չունեն Սերժ Սարգսյանի ասուլիսից։ Նրանց մեծ մասը հարցը լսելով անգամ հրաժարվում էր պատասխանել՝ ասելով հոգնել ենք, քաղաքականությունից չենք ուզում խոսել։ «Առաջին լրատվական»-ի հետ զրույցում քաղաքացիները նշեցին, որ պետք է սպասել ապրիլյան հանձնաժողովի զեկույցին, մի մասն էլ նշեց, որ այնքան ստեր են լսել նախկին իշխանությունների կողմից, որ հիմա ոչինչ չե ուզում լսել։
Մանրամասները՝ «Առաջին լրատվական»-ի տեսանյութում
