Իսպանական El País պարբերականի համաձայն, Իսպանիայում կորոնավիրուսից մահացության դեպքերը կարող են 60%-ով ավելի լինել, քան պաշտոնական ցուցանիշը՝ 28342-ը:
Երկրի պաշտոնական զոհերի թիվը ներառում է այն մարդկանց, ում մոտ պաշտոնապես ախտորոշվել է կորոնավիրուս, իսկ նրանք, ում մոտ կասկածել են, բայց չեն թեստավորել, չեն հաշվարկվել:
Լայնածավալ թեստավորման բացակայությունը, հատկապես բռնկման վաղ փուլերում, նշանակում է, որ վարակվածների պաշտոնական թիվը կարող է ավելի ցածր լինել, ինչպես դա տեղի է ունեցել շատ այլ երկրներում:
Հաշվելով տարածված վիճակագրության մեջ կորոնավիրուսից բոլոր կասկածելի և հաստատված մահացությունները, El Pais-ը գրանցել է 44.868 մահ: Եթե այս տվյալները ճշգրիտ լինեն, ապա Իսպանիան մահացությամբ կդառնա երկրորդ երկիրը՝ Մեծ Բրիտանիայից հետո:
Իսպանիայի առողջապահության նախարարությունը դեռեւս չի մեկնաբանել նոր տվյալները:
Թերթի ցուցանիշը մոտավորապես համընկնում է Համաճարակաբանական ազգային կենտրոնի և Ազգային վիճակագրության գրասենյակի (INE) հրապարակած տվյալների հետ, որոնք արձանագրում են մահացություն աճ`համադրելով մահացության ազգային ցուցանիշները պատմական միջիններին:
Հունիս ամսին INE-ն զեկուցեց, որ երկրում ՝ 2020 թվականի առաջին 21 շաբաթվա ընթացքում մահացել է 43.945 ավելի մարդ, քան 2019-ի նույն ժամանակահատվածում: Այնուամենայնիվ, անհնար է վստահորեն ասել, թե նրանցից քանիսն է մահացել համաճարակի պատճառով: