Այսօր մեզ հայտնի դարձավ, որ Լոռու արդեն նախկին մարզպետ Արամ Քոչարյանը սույն ամսի 14-ի գիշերը մեկնել էր Մոսկվա իր վիրավորանքը մեղմելու համար:
Հիշեցնենք, որ, կառավարության որոշմամբ, Արամ Քոչարյանը ս.թ. հուլիսի 12-ից իր դիմումի համաձայն ազատվել է ՀՀ Լոռու մարզպետի պաշտոնից: Թեև նրա մեկնելուց հետո պատճառաբանել են, թե ողնաշարային խնդիրները բուժելու նպատակով է մեկնել Մոսկվա, բայց իրական պատճառը վիրավորանքն է:
Նեղ շրջանակում Քոչարյանն ասել է, որ հավանաբար 1 ամսից կվերադառնա, սակայն իրականում հայտնի չէ՝ Հայաստան կվերադառնա՞, թե՞ ոչ: Այնինչ, բացակայությունը երկու շաբաթ էլ չտվեց, և նախկին մարզպետը շաբաթ օրը վերադարձել է Հայաստան: Ըստ որոշ աղբյուրների՝ նրան իշխանական վերնախավից զանգել կանչել են՝ ասելով, թե՝ «խռովել գնալը ո՞րն է»:
Ինչևէ, մեր աղբյուրների փոխանցմամբ, այսօր Արամ Քոչարյանն այցելել է մարզպետարան և հանդիպումներ ունեցել մարզպետարանի մի քանի աշխատակիցների հետ:
