Ազգային անվտանգության ծառայության տնօրեն Արգիշտի Քյարամյանը պաշտոնը ստանձնելու հայտարարագրում մի քանի անշարժ գույք է հայտարարագրել։ Պաշտոնն ստանձնելու հայտարարագիրը վերաբերում է այն ժամանակահատվածին, երբ նա 2019 թվականին ՊՎԾ ղեկավար էր նշանակվել։
Նշենք, որ Կոռուպցիայի կանխարգելման հանձնաժողովը հրապարակվել է պաշտոնատար անձանց և նրանց ընտանիքի անդամների հայտարարագրերը։
Մասնավորապես, Արգիշտի Քյարամյանը հայտարարագրել է երկու անհատական բնակելի տուն, չորս հողամաս, հողին ամրակցված մեկ անշարժ գույք և մեկ ավտոտնակ։ Նա նաև հայտարարգրել է MERCEDES-BENZ C 180 մակնիշի մեքանա։
Արգիշտի Քյարամյանի դրամական միջոցները կազմել են 30 մլն դրամ և 48 հազար ԱՄՆ դոլար։ Նա ստացել է 2 մլն 199 հազար 664.00 եկամուտ, որը գոյացել է աշխատավարձից։ ՊԵԿ հետաքննության և օպերատիվ-հետախուզության վարչության պետի տեղակալի պաշտոնի դադարեցման հայտարարգրում, որը դարձյալ 2019 թվականի տվյալներ է պարունակում, Արգիշտի Քյարամյանը, բացի վերանշյալ անշարժ գույքից, հայտարարագրել էր նաև մեկ հողամաս՝ «ընդերքի մաս» անվանմամբ։
Քյարամյանի՝ 2019 թվականի տարեկան հայտարարագիրը դեռ հրապարակված չէ։
