ՀՀ փոխվարչապետ, պարետ Տիգրան Ավինյանի որոշմամբ՝ շուրջ երկու ամսվա դադարից հետո այսօրվանից արդեն վերաբացվել են առևտրի կենտրոններն ու հասարակական նշանակության այլ օբյեկտները: Չնայած՝ Հայաստանում մինչև հունիսի 13-ը երկարաձգվել է արտակարգ դրության ժամկետը, սակայն դրան զուգահեռ բոլոր ոլորտներում հանվել են մինչ այդ գործող բոլոր սահմանափակումները՝ միևնույն ժամանակ բոլոր տնտեսավարողներին հորդորելով խստագույնս պահպանել անվտանգության կանոնները:
Առևտրի խոշոր կենտրոններում հաճախորդներին մինչ ներս թողնելը ջերմաչափում էր կատարվում, իսկ մուտքի մոտ տեղադրված էին դիմակներ, ձեռնոցներ ու ախտահանիչ նյութեր, իսկ հաճախորդների պակաս մոլերում չկար, խանութները մարդաշատ էին:
Մանրամասները՝ «Առաջին լրատվական»-ի հարցախույզի տեսանյութում:
