Պերմի շրջանի մի բնակչուհին երեք տարի շարունակ օգտագործել է անձնագիր, որում սխալ է նշված եղել նրա սեռը:
Ըստ ՌԴ ՆԳՆ-ի՝ 2017-ին ամուսնանալուց հետո կինը ստացել է նոր անձնագիր, որում սեռը նշված է եղել «արական»:
Քաղաքացին ինքը սխալը նկատել է միայն 2018-ին, բայց աշխատանքի տեղավորման պատճառով նա անմիջապես չի կապվել միգրացիոն ծառայության հետ: Կինը փաստաթղթի օգտագործման հետ կապված որևէ խնդիր չի ունեցել, նա նույնիսկ դիմել է այդ անձնագրով վարկ ստանալու համար:
Ավելի ուշ դիմել է անձնագրային գրասենյակ՝ փաստաթուղթը վերաթողարկելու պահանջով, և մերժվել է:
Պաշտոնյաները ասում են, որ անձնագիր ստանալուց հետո նա պետք է ստուգեր դրանում նշված տվյալները, և առաջարկել են նոր անձնագիր ստանալու հայց ներկայացնել`պետական տուրքի պարտադիր վճարմամբ:
Մարզային լրատվամիջոցներում հրապարակումից հետո ոստիկանությունը ուշադրություն է դարձրել խնդրին: Մարզի ՆԳՆ-ից հայտնում են, որ մայիսի 15-ին քաղաքացուն տրվել է նոր անձնագիր, որում ճիշտ է նշված սեռի բնութագիրը:
