Ռուսաստանում Հայաստանի դեսպանությունը ստեղծված իրավիճակով պայմանավորված տեղեկատվությունն ամբողջական ստանալու համար ստեղծել է էլելտրոնային հարցաթերթիկ: Այս մասին տեղեկացնում է ՌԴ-ում ՀՀ-ի դեսպանությունը:
«Ստեղծված իրավիճակում աշխատանքների առավել արդյունավետ կազմակերպման և ամբողջական տեղեկատվություն ստանալու նպատակով դեսպանության կողմից ստեղծվել է էլեկտրոնային հարցաթերթիկ։ Այս օրերին բարձրաձայնվող տարաբնույթ խնդիրներով դեսպանությանը դիմելու նպատակով անհրաժեշտ է լրացնել հարցաթեթիկը՝ պատասխանելով ներառված բոլոր հարցերին։ Հարցաթերթիկի հղումը »,- ասված հաղորդագրության մեջ:
Դեսպանությունը վստահեցնում է, որ ցանկացած դիմում մանրամասն ուսումնասիրվելու է իրենց կոցմից։ Լրացնելով հարցաթերթիկը՝ դիմողը համաձայնում է իր կողմից ներկայացված տվյալների մշակմանն ու ստուգմանը դեսպանության կողմից։
«Միևնույն ժամանակ կրկին նշում ենք, որ առաջիկա ժամանակահատվածում թռիչքներ դեպի Հայաստան չեն նախատեսվում։ Հնարավոր թռիչքի մասին տեղեկատվություն ստանալուն պես կհայտնենք»,- նշում է դեսպանությունը:
Այս օրերին ՌԴ-ում գտնվող բազմաթիվ ՀՀ քաղաքացիներ ցանկանում են վերադառնալ Հայաստան: Արդեն չարտերային չվերթով մի խումբ քաղաքացիներ վերադարձել են, սակայն շատերը դեռ սպասում են նոր թռիչքների: ՌԴ-ում ՀՀ դեսպան Վարդան Տողանյանը տեսակապի միջոցով խոսել է «Դոմոդեդովո» օդանավակայանում գտնվող այն ՀՀ քաղաքացիների հետ, ովքեր նախորդ օրվա չարտերային թռիչքով չեն կարողացել մեկնել Հայաստան։ Միևնույն ժամանակ քաղաքացիները դեսպանությանն են փոխանցել հնարավոր չվերթին սպասողների ցուցակը։ Հետագայում դեպի Հայաստան հնարավոր թռիչքի պարագայում նշյալ քաղաքացիներին կտրվի առաջնահերթություն։
