Ապրիլի 14-ին Արցախում տեղի ունենալիք նախագահական ընտրությունների երկրորդ փուլում կպայքարեն Արցախի նախագահի երկու առաջատար թեկնածուները՝ Արայիկ Հարությունյանը և Մասիս Մայիլյանը: ՀՀ ԱԺ պատվիրակությունը դիտորդական առաքելություն կկատարի: Հայաստանյան պատվիրակության կազմում ընդգրկված ԱԺ պատգամավոր Հրաչյա Հակոբյանը «Առաջին լրատվական»-ի հետ զրույցում նշեց, որ ըտրությունների առաջին փուլում Ստեփանակերտում խախտումներ չի արձանագրել և լիահույս է, որ այս անգամ ևս ընտրությունները կանցնեն առանց խախտումների, օրենքին համապատասխան: «Վստահ եմ, որ Արցախի ժողովուրդը կպահպանի կանխարգելիչ կանոնները, և ընտրությունները արտակարգ իրավիճակի պայմաններում էլ ավելի կազմակերպված կլինինեն»:
Հրաչյա Հակոբյանի կարծիքով՝ Մասիս Մայիլյանի չմասնակցությունը չի կարող ստվերել ընտրությունների արդյունքները: Պատգամավորի խոսքով՝ Արցախում այս նախագահական ընտրություններով մեկ քայլ առաջ կգնան դեպի ժողովրդավարություն:
«Չգիտենք՝ ով կլինի իշխանությունը, բայց ով էլ ընտրվի, դա կլինի արցախցու ընտրությունը, և ՀՀ իշխանությունների և ժողովրդի կողմից ընդունելի կլինի»,- նշեց մեր զրուցակիցը՝ ընդգծելով, որ Հայաստանի և Արցախի իշխանությունների փոխգործակցությունը սերտ կլինի. ալ կերպ հնարավոր չէ:
Մանրամասն՝ տեսանյութում: