Չինաստանում որոշել են մահապատժի ենթարկել կորոնավիրուսային վարակը թաքցնելու, ինչպես նաև հիվանդի վիճակի մասին տեղեկությունները աղավաղելու համար: Այդ մասին շաբաթ օրը՝ փետրվարի 15-ին, հայտնում է DW-ն՝ վկայակոչելով Չինաստանի դատարանի հայտարարությունը:
Բացի այդ, քրեական հանցագործություն կհամարվի սեփական ճանապարհորդությունների պատմությունը թաքցնելը։ Այն մարդը, ով հիվանդանում է, իսկ հետո տարածում է կորոնավիրուսը, կմեղադրվի հասարակական անվտանգությանը սպառնալիք ստեղծելու մեջ և կդատապարտվի 10 տարվա կամ ցմահ բանտարկության կամ մահապատժի։
Այսպիսով, Չինաստանի առողջապահական հանձնաժողովը արգելել է վիրուսային ախտանիշներով քաղաքացիներին պետության տարածքում ճանապարհորդել ավտոբուսներով, գնացքներով և ինքնաթիռներով: Նրանք, ովքեր արձակուրդից հետո վերադարձել են վարակի բռնկման գոտուց, պետք է գտնվեն տանը կամ բժշկական հսկողության տակ լինեն երկու շաբաթ: Կարանտինից հրաժարվողը կպատժվի: