Փետրվարի 6-ին Ազգային ժողովը պետք է արտահերթ նիստ գումարեր: Այսօր ԱԺ կայքից հեռացվել է այս տեղեկությունը՝ նշելով, որ հանդես կգան լրացուցիչ պարզաբանմամբ: Նշվել է նաև, որ արտահերթ նիստ հրավիրվելու էր կանոնակարգ օրենքի խախտումներով: Այնուամենայնիվ օրակարգային հարցերը չեն չեղարկվել: Թեմայի շուրջ «Առաջին լրատվական»-ի հետ քննարկմանը մասնակցեցին քաղտեխնոլոգ Կարեն Քոչարյանը, «Քաղաքացու որոշում» կուսակցության գործադիր մարմնի անգամ Հայկ Սահակյանը և «Քաղաքացիական պայմանագիր» կուսակցության հանրային կապերի պատասխանատու Վահագն Ալեքսանյանը:
նախատեսվում է չեղարկել օրենքների սահմանադրականության համար Սահամանդրական դատարանին դիմելու ԱԺ պարտավորությունը՝ թողնելով կամավորության սկզբունքի վրա: Այդ փոփոխությունը նախատեսում է կիրարկման ժամանակահատված, մինչև սահմանադրական փոփոխությունների ընդունումը: Ինչպես նաև նախատեսվում է, որ Սահմանադրական փոփոխությունները հրապարակելու համար ոչ թե ուղարկվելու է ՀՀ նախագահին, այլ հրապարակվելու է ԱԺ նախագահի կողմից: Նախատեսվում է նաև ՍԴ դատավորի թափուր տեղի համալրում իրականացնել ոչ թե միայն ԱԺ հերթկան, այլ նաև արտահերթ նիստերի միջոցով: Ազգային ժողովը փաստորեն օրենքի ուժով ուզում է ժամանակավորապես օրենքից դուրս դնել Սահմանադրական դատարանին, մինչև որ կիրականանան սահմանադրական փոփոխությունները:
Անդրադառնալով վերոնշյալ դիտարկմանը՝ Հայկ Սահակյանն ընդգծեց. «Կա սահմանադրական ճգնաժամ. իշխանությունն է խորացրել այս ճգնաժամը, մինչդեռ կարող էր այս հարցը այլ ճանապարհներով լուծել, և հիմա ինչ-որ զարտուղի միջոցներ են փնտրում խնդրի հանգուցալուծման համար: Թե որքանով արդյունավետ կլինի այս նախագծով ներկայացված ճանապարհը, ժամանակը ցույց կտա… Սահմանադրական փոփոխություններով այս խնդիրը հնարավոր կլիներ լուծել»:
Կարեն Քոչարյանը նկատեց, որ կան մասնագետներ, որոնք որոշակի լուծումներ էին առաջարկում ՍԴ խնդիրը լուծելու համար. «Բայց այս իշխանության խնդիրն այն է, որ, բացի իր թիմակիցներից, որևիցե մասնագետի ու փորձագետի չի ուզում լսել»:
Վահագն Ալեքսանյանը հակադարձեց՝ նշելով, որ համաձայն չէ այն կարծիքի հետ, թե իշխանությունն ականջալուր չի լինում փորձագիտական հանրությանը և հանրային տրամադրություններին, և հավելեց, որ նոր համակարգերի ներդրումը կայացվում է փորձագետների հետ խորհրդակցելով և ՀԿ-ների հետ համագործակցելով. «Այլ հարց է, որ բոլորին միանգամից գոհացնել հնարավոր չէ»:
Կարեն Քոչարյանի դիտարկմամբ՝ սահմանադրական փոփոխությունների պրոցեսը երկարատև է, հավանաբար դա է խնդիրը, որ իշխանությունն այլ ճանապարհ է ընտրում:
Մանրամասն՝ տեսանյութում:
